မွန်အမျိုးသားရိုးရာဝတ်စုံရဲ့ အဓိပ္ပါလ်
ပြည်ထောင်စုတိုင်းရင်းသား အားလုံးဟာ မိမိတို့ရဲ့ရိုးရာဝတ်စုံတွေကို
အမျိုးသားနေ့တွေ မှာအလေးထားဝတ်ဆင်ကြတယ်။ အမျိုးသားနေ့မှာ
မဟုတ်ဘဲ တိုင်းရင်းသားဝတ်စုံတွေကို နေ့တိုင်း အမြတ်တနိုးနဲ့ဝတ်ဆင်
ကြတာလဲရှိတယ်။ ဒါကတော့ မိမိအမျိုးသားဝတ်စုံအပေါ်ချစ်မြတ်နိုးဂုဏ်
ယူ ဝတ်ဆင်ကြသလို မွန်လူမျိုးတွေလည်း အမျိုးသားဝတ်စုံ ဝတ်ရင်
ကျန်းမာ လာဒ်ရွင် အရွယ်တင်စေတယ်လို့ ယုံကြည်ပြီးဝတ်ဆင်တတ်ကြ
တယ်။ တိုင်းရင်းသာမွန်လူမျိုးတို့ရဲ့ ဝတ်စုံဟာ ယုံကြည်ကိုးကွယ်ရာ
မွန် နတ် ( အဖိုး ) ရဲ့ ဝတ်စုံအဆင်သွေးအတိုင်းဖြစ်တယ်။
မွန်လူမျိုးတွေဟာ လယ်ယာလုပ်ငန်း၊ ဥယာဉ်ခြံလုပ်ငန်းနဲ့အဓိကအသက်
မွေးဝမ်းကျောင်းပြုကြတယ်။ အထူးသဖြင့်လယ်ယာလုပ်ငန်းလုပ်ကိုင်ကြ
တယ်။ လယ်ယာလုပ်ငန်းဟာ အလွန် ပင်ပန်းကြီးတဲ့လုပ်ငန်းမျိုးဖြစ်ပေမဲ့
ရဟန်း ရှင် လူ ပြည်သူ တွေ အဓိက စားသုံးရဲတဲ့ဆန်စပါးကို ရစေတာဖြစ်
လို့ လွန်စွာ ကုသိုလ်ကြီးတဲ့လုပ်ငန်းလို့အယူအစွဲရှိကြတယ်။
လယ်ယာအလုပ်ကို မြတ်နိုးတန်ဘိုးထားတဲ့မွန်လူမျိုးတွေ မှာ အယူဆ
တစ်ခုရှိတယ်။ ရာမညတိုင်းသား မွန်လူမျိုးတွေက အရှေ့အရပ်နဲ့ တောင်
အရပ် ဟာ လူအပါဝင် သတ္တဝါအပေါင်းကို အလွန်တစ်ရာ ကျေးဇူးပြုတဲ့
အရပ်ဆိုပြီး အထွဋ်မြတ်ထားကြတယ်။ အရှေ့အရပ်ဟာ အလင်းရောင်ပေး
တဲ့ နေနဲ့လ တို့ထွက်ပေါ်ရာအရပ်ဆို ပြီး မွန်လို"ဗမွတ်"( ကမ ္ဘာကိုအလင်း
ရောင်ပေးတဲ့အရပ် ) ခေါ်တယ်။ တောင်အရပ်ကတော့ မိုးရွာစေတဲ့အင်အား
ကြီးတဲ့လေတိုက်ရာ အရပ်ဆိုပြီး မွန်လို"စလိန်းကျား" ( ကြီးမြင့်တဲ့လေ
တိုက်ရာအရပ်) လို့ခေါ်တယ်။ ဒီအရပ်နှစ်ခု ကို အလွန်အထွဋ်မြတ်ထား
တာနဲ့အညီ မွန်တွေရဲ့ရိုးရာ နတ် ( အဖိုး) ကိုလည်း အရှေ့တောင်ထောင့်
အိမ်တိုင်မှာ ကိုးကွယ်ပြီး မွန်အိမ်မှာ အိမ်နတ်တိုင် လို့ခေါ်တယ်။
ဒါ့ကြောင့်မွန်တွေဟာ အရှေ့အရပ် နဲ့တောင်အရပ်ကို ခေါင်းရင်းပြုအိပ်
ကြတယ်။ အရှေ့တောင်ထောင့်အိမ်တိုင်ကိုလည်း အလေးမြတ်ထားတယ်။
ကိုးကွယ်ရာမှာလည်း မွန်နတ် ( အဖိုး) ဝတ်စုံကို လေလုံကျွန်းသေတ္တာမှာ
ထည့်ပြီး အရှေ့တောင်ထောင့် အိမ်နတ်တိုင်မှာ သိမ်းဆည်းထားပေး
တယ်။ မွန်နတ် ( အဖိုး) ဝတ်စုံကို ချမကိုက်အောင် အပျက်စီးမရှိအောင်
သေသေချာချာ စစ်ဆေးမူပြုပေးတတ်ကြတယ်။
မွန်နတ် (အဖိုး) ဝတ်စုံ ရဲ့အဆင်အသွေးဟာမွန်အမျိုးသားတွေ
ဝတ်ဆင်တဲ့ဝတ်စုံအဆင်အသွေးအတိုင်းဖြစ်တယ်။ လုံချည်ရဲ့အဆင်အနီ
လေးထောင့်ကွက် ရဲ့အဓိပ္ပါလ် ဟာ လယ်ကွက်အမှတ်သား၊ လယ်ယာ
လုပ်ငန်းရဲ့အမှတ်သားဖြစ်တယ်။ လယ်လုပ်ငန်းကို တော်ရုံဇွဲ လုံ့လနဲ့
မလုပ်နိုင်ဘူး။ အင်မတန်ပင်ပန်းပါတယ်။ ဒါပေမဲ့ ရဟန်းရှင် လူပြည်သူ
အတွက်ဆန်စပါး ရစေလို့ အလွန်ကုသိုလ်ကြီးတယ်လို့ယုံကြည်တယ်။
ဒါ့ကြောင့်အနီရောင်ဟာ ဇွဲသတ္တိ လုံ့လ ဝိရိယကိုရည်ညွန်းတာဖြစ်တယ်။
အနီရောင်လေးထောင့်ကွက်တွေကိုကန့်ထားတဲ့
အဖြူစင်းတွေ ကျတော့ စိတ်စေ တနာ ဖြူစင်တာကို ရည်ရွယ်တယ်။
ဇွဲလုံ့လဝိရိယအားစိုက်ရတဲ့ လယ်ယာအလုပ်ကို ဖြူစင်တဲ့စိတ်စေတနာ
နဲ့လုပ်ဆောင်တာ၊ ထိမ်းကွပ်တာ လို့အဓိပ္ပါလ် ရပါတယ်။
လုံချည်အနားကွပ်ကို အဖြူရောင်အနားကွပ်ကြီးကြီးနဲ့ကွပ်ထားတယ်။
အဓိပ္ပါလ်က ကြီးမားတဲ့ ဖြူစင်တဲ့ စိတ်စေတနာ ကသာ အရာရာကိုကွပ်ကဲ
တယ်လို့ အဓိပ္ပါလ်ရပါတယ်။ စိတ်စေတနာ သည်အရာရာတွင်အရေးကြီး
တာကို ဆိုလိုပါတယ်။ အလယ်ကအဖြူနှစ်စင်းကတော့ အရင်က လက်
ယက်ကန်းတွေ အနံသေးတာကြောင့် နှစ်နံစပ်မှ ပိုဆိုးတစ်ထည်ဖြစ်လို့
ဆို ပြီး အဲဒီအမှတ်သား လို့ထင်ရပါတယ်။
ဇွဲလုံ့လလဲရှိ စေတနာလဲဖြူစင်တဲ့အလုပ်မှန်သမျှ ဟာ မဟာကုသိုလ်
အကျိုးပေးတယ်လို့ မွန်လူမျိုးတွေ ယုံကြည်ကြတယ်။
မွန်နတ်( အဖိုး) ရဲ့ အကျီ ၤက အဖြူရောင်ပေါ်မှာ အနီစင်းတွေကန့်ထား
တယ်။ လေးထောင့်ကွက်တွေ ကလယ်ယာလုပ်ငန်းကို ရည်ရွယ်တယ်။
ဖြူစင်တဲ့ စိတ် စေတနာကို ဇွဲသတ္တိအနီရောင် နဲ့ ထိမ်းကွပ်ထားတဲ့အဓိပ္ပါလ်
ဖြစ်တယ်။ မွန်နတ်( အဖိုး)ရဲ့ဝတ်စုံကို လေ့လာကြည့်ရင် ရှေးပဝေသဏီ
ကတည်းက မွန်လူမျိုးတွေရဲ့ စိတ်နေစိတ်ထား၊ ဓလေ့စရိုက် ယဉ်ကျေးမူ
အခြေနေတွေကို ဖေါ်ပြနေပါတယ်။
အရောင်တွေမှာ အနီရောင် ဟာ စိတ်ဓါတ်ကိုမြင့်တင်ပေးတဲ့အရောင်၊
သတ္တိဝိရိယကို ဖေါ်ဆောင်ပေးတာ ဖြစ်လို့ရိုးရာဝတ်စုံဝတ်ရင် စိတ်ဓါတ်
တက်ကြွတယ်။ ကျန်းမာရေးကောင်းတယ်လို့ယုံကြည်ခဲ့ကြတယ်။
တစ်ကယ်တော့ တိုင်းရင်းသားတိုင်းဟာ ကိုယ့်ရိုးရာ ဝတ်စုံကိုမက်မက်မော
မော ဝတ်ဆင်တာဟာ လူမျိုးရေးအမြင်ကြောင့်လဲမဟုတ်ဘူး။ မိမိအမျိုး
သားဝတ်စုံကို ဝတ်ဆင်တာ တွယ်တာ မြတ်နိုးလို့ပါဘဲ။ အရေးကြီးဆုံး လူ
ပီသ တဲ့ယဉ်ကျေးတဲ့ စိတ်စေတနာ စရိုက်လက္ခာရှိဘို့ဘဲလိုအပ်တယ်။
လူရဲ့စရိုက် ကြုံတွေ့ခိုက်ဝယ် နှစ်ခြိုက်ချစ်ခင် မေတ္တာဝင်၏ အဆိုရှိတယ်။
မွန်လူမျိုးတွေ ဟာ ဗုဒ္ဒအဆုံးမအောက်မှာ နှစ်ပေါင်းများစွာ ကျွမ်းဝင် ရိုကျိုး
တဲ့ ယဉ်ကျေးတဲ့လူမျိုးဖြစ်တယ်။ မိစ္ဆာဓိဌိ အယူဆတွေ မရှိဘူး။ ယနေ့
ထက်တိုင် ဗုဒ္ဓအဆုံးမ ဓမ္မတရားတွေနဲ့ သာ ပျော်မွေ့နေသူတွေဖြစ်တယ်
ယဉ်ကျေးမူကို ထိမ်းသိမ်းတာဖြစ်တယ်လို့ပြောလိုပါတယ်။
ကိုယ့်လူမျိုး ကိုယ့်ရိုးရာ ဝတ်စုံကို ခင်တွယ်တာ လူ့သဘာဝပါဘဲ။
အခုစာကိုရေးနိုုင်အော် မွန်လုံချည် အယူဆတွေကို ပြောပြခဲ့တဲ့ ဖိုးလေး
မင်းသုတ ( ဒဂုံ) ကို ကျေး ဇူး အထူးတင်ရှိပါတယ်။
( ဒီပုံမှာ မွန် လူကုံထံတစ်ဦး ရဲ့ ဝတ်စားဆင်ယင်ဟန် ကိုပါ ပူးတွဲဖေါ်ပြ
ပေးလိုက်ပါတယ်။ ပန်းချီကားမှာ မှတ်တမ်းတင်ထားတဲ့ပုံပါဘဲ )

No comments:
Post a Comment